مٹیاری رپورٹ عامر علی انڑ
ضلع مٹیاری کی تعصیل ہالہ میں بھی 5 اگست کو کشمیری بھائیوں کے ساتھ اظہار یکجہتی کے لیے یوم استحصال کے طور پر منایا گیا۔ اس سلسلے میں میونسپل کمیٹی ہالہ سے اسسٹنٹ کمشنر ڈاکٹر مظہر برڑو چیف میونسپل آفیسر سید محسن شاہ کی قیادت میں پریس کلب ہالہ تک ریلی نکالی گئی۔ ریلی میں شریک افراد بینر اور کارڈ پلے کشمیر ہوگا پاکستان، پاکستان زندہ باد، پاک فوج زندہ باد اور بھارت کشمیری عوام پر ہونے والے ظلم و تشدد کے خلاف نعرے لگائے۔ اسسٹنٹ کمشنر ہالہ ڈاکٹر مظہر سید محسن اور محمد صفر میمن نے خطاب کرتے ہوئے کہا کہ کشمیر پاکستان کا آٹا ہے، بھارت کشمیریوں پر ظلم کر رہا ہے۔ ہم کشمیریوں کی اخلاقی، سیاسی اور سفارتی مدد جاری رکھیں گے، انہوں نے مزید کہا کہ بھارتی فوج کے ہاتھوں کشمیریوں پر ہونے والے مظالم کے خاتمے کے لیے اقوام متحدہ کردار ادا کرے۔ انہوں نے مزید کہا کہ اسلامی ممالک مل کر اقوام متحدہ اور بھارت پر زور دیں اور کشمیریوں کو اپنا حق خود ارادیت استعمال کرنے دیں اور کشمیریوں کے قتل عام کی شدید الفاظ میں مذمت کی جائے۔ آخر میں اقوام متحدہ سے مطالبہ کیا گیا کہ کشمیریوں پر تشدد ظلم اور جبر بند کیا جائے۔ ریلی میں روینیو میونسپل سمیت سیاسی سماجی رہنماؤں کی بڑی تعداد نے شرکت کی۔