ایل اے 36 جموں 3 میں کھلے عام  دھاندلی ہوتی رہی، شرجیل میمن

سیالکوٹ(سلیم احمد اعوان شیخو)

پاکستان پیپلز پارٹی کے راہنما و سابق صوبائی وزیر سںدھ شرجیل میمن نے کہا ہے کہ آزاد کشمیر قانون ساز اسمبلی کے سیالکوٹ کے حلقہ ایل اے 36 جموں 3 میں کھلے عام پولنگ سٹاف کی موجودگی اور ملی بھگت سے دھاندلی ہوتی رہی پیپلز پارٹی کے کیمپوں پر جس طرح مسلم لیگ ن کے گلو بٹوں نے حملے کئے تو ریٹرننگ آفیسر سمیت پوری انتظامیہ چپ چاپ بیٹھے رہی۔ پولیس ایک پارک میں پولیس وین میں بیٹھ کر مسلم لیگ ن والے پولنگ سٹاف کے ساتھ بیلٹ پیپرز پر مہریں لگاتے رہے۔پاکستان پیپلز پارٹی کے امیدوار احسن اسماعیل نے میڈیا کو بتایا کہ مسلم لیگ ن کے وزراء،ممبران قومی و صوبائی اسمبلی عہدیداروں و کارکنوں اور پوری سرکاری مشینری و پولیس نے اپنے اختیارات کا پورا پورا استعمال کرکے عوام کے ووٹ کو چوری کرلیا یہی وہ طرز عمل ہے جس سے ووٹر خائف ہوتا ہے۔اس موقع پر پاکستان پیپلز پارٹی کے راہنماوں زاہد بشیر چودہری ارمغان قمر،عارف چودہری،منیب گوندل،مقصود بٹ،احسن چودہری،اظہر دیال،شکیل احمد علوی اور ماسٹر شفیع بھی موجود تھے۔