ایڈاہو: امریکا کے شہر ایڈاہو کے ایک ریسٹورنٹ میں اندھا دھند فائرنگ کا واقعہ پیش آیا ہے۔ حملے کی وجوہات کا تاحال پتہ نہیں چل سکا ہے، تاہم اطلاعات ہیں کہ پولیس نے حملہ آور کو مار گرایا ہے۔ اس گولی باری میں کم از کم تین افراد کے مارے جانے کی خبر ہے۔
معروف صحافی ماریو نوافل نے اسے ایک فلمی منظر قرار دیتے ہوئے کہا ہے ویسٹرن فلموں جیسے واقعے میں حملہ آور کا مقابلہ پولیس کی بجائے ایک شہری نے کیا ۔
🇺🇸This looks straight out of a MOVIE…
Horrific scene in Twin Falls, Idaho.
Multiple dead after a shooting that began inside an In-N-Out.
But the clip everyone is sharing shows a civilian out of his car in the drive-thru and ENGAGING the shooter.
The shooter is dead. And if…
— Mario Nawfal (@MarioNawfal) August 2, 2026
سی این اے نے مقامی حکام کے حوالے سے بتایا کہ سنیچر کی دوپہر ایڈاہو کے شہر ‘ٹوین فالز’ میں ایک فاسٹ فوڈ آؤٹ لیٹ پر ہونے والی فائرنگ میں متعدد افراد ہلاک اور کئی دوسرے زخمی ہو گئے۔ شہر کے پبلک انفارمیشن آفیسر جوش پامر نے تصدیق کی کہ مسلح حملہ آور مارا جا چکا ہے، جس کے بعد شہریوں کو محفوظ مقامات پر رہنے کے لیے جاری کردہ تمام ہدایات واپس لے لی گئیں۔ سنیچر کی شام صحافیوں سے بات کرتے ہوئے ٹوین فالز کے پولیس چیف میتھیو ہکس نے کہا کہ "ہمارا ماننا ہے کہ اب کمیونٹی کے لیے خطرہ ختم ہو چکا ہے۔”
اگرچہ میونسپل حکام نے سرکاری طور پر ہلاک ہونے والوں کی صحیح تعداد کی تصدیق نہیں کی ہے، لیکن سی این ایس کو پہلے فراہم کی گئی تفصیلات سے پتہ چلتا ہے کہ کم از کم تین افراد کی جان چلی گئی ہے، تاہم ابھی یہ واضح نہیں ہے کہ ہلاک ہونے والوں کے اس ابتدائی اعداد و شمار میں حملہ آور خود شامل ہے یا نہیں۔
واقعے کے دوران ریکارڈ کی گئی ویڈیو فوٹیج میں خوفزدہ گاہک اور عملہ کئی گولیاں چلنے کی آواز سن کر پارکنگ لاٹ کی طرف بھاگتے ہوئے دکھائی دیے۔ قانون نافذ کرنے والے اداروں کو شک ہے کہ اس واقعے میں صرف ایک ہی بندوق بردار شامل تھا، تاہم پامر نے سی این این کو بتایا کہ تفتیش کار اب کچھ ایسے دیگر افراد کا بھی پتہ لگانے کی کوشش کر رہے ہیں جو شاید اس میں ملوث رہے ہوں۔
تشدد کا یہ واقعہ ایک نو تعمیر شدہ فاسٹ فوڈ آؤٹ لیٹ پر پیش آیا، جسے کھلے ہوئے ابھی صرف ایک ہفتہ ہی ہوا تھا۔ ٹوین فالز کے شمالی حصے میں ایک گنجان تجارتی علاقے میں واقع یہ جگہ ہوٹلوں اور ریٹیل دکانوں سے گھری ہوئی ہے۔