سانگھڑ (رپورٹ: اشفاق سلہری)
پاکستان پیپلز پارٹی کی مرکزی رہنما اور رکن قومی اسمبلی شازیہ مری کے اعزاز میں نیا آباد میں لسکانی برادری کی جانب سے ایک پرتکلف ڈنر کا اہتمام کیا گیا۔ تقریب میں علاقے کے معززین، سیاسی و سماجی شخصیات اور کارکنان نے بڑی تعداد میں شرکت کی۔اس موقع پر میزبان مختار لسکانی کی جانب سےشازیہ مری کو سندھ کی روایتی ثقافت کی خوبصورت عکاسی کرنے والی سندھی رَلی پیش کی گئی، جسے شازیہ مری نے محبت، احترام اور ثقافتی ورثے کی علامت قرار دیا۔تقریب سے خطاب کرتے ہوئے شازیہ مری نے کہا کہ:”سندھ کی ثقافت، روایات اور مہمان نوازی ہماری پہچان ہیں۔ لسکانی برادری کی جانب سے دی گئی محبت اور عزت میرے لیے باعثِ فخر ہے۔ پاکستان پیپلز پارٹی عوامی خدمت، ترقی اور خوشحالی کے سفر کو جاری رکھے گی اور عوام کے مسائل کے حل کے لیے ہر ممکن اقدامات کیے جائیں گے۔” سندھ کے عوام نے ہمیشہ جمہوریت، بھائی چارے اور رواداری کو فروغ دیا ہے اور پیپلز پارٹی عوام کے اعتماد پر پورا اترنے کے لیے عملی اقدامات جاری رکھے گی۔آخر میں شازیہ مری نے مختار لسکانی اور لسکانی برادری کا پرتپاک استقبال اور محبت بھرے ڈنر کے انعقاد پر شکریہ ادا کیا۔