برسلز:عالمی فٹ بال کی نگران تنظیم (فیفا) نے ہسپانوی ٹیم کے خلاف فائنل میچ کے دوران ہونے والی شدید ہنگامہ آرائی، میدان میں لڑائی جھگڑے، نسلی نعرے بازی اور متنازع سیاسی بینر لہرانے پر ارجنٹائن فٹ بال ایسوسی ایشن اور کھلاڑیوں کے خلاف باضابطہ انضباطی کارروائی کا آغاز کر دیا ہے۔
رپورٹ کے مطابق یہ کارروائی فائنل میں اسپین کے ہاتھوں ارجنٹائن کی شکست اور اضافی وقت میں فتح کے بعد پیش آنے والے ناخوشگوار واقعات کی ایک ہفتے طویل جانچ پڑتال کے بعد شروع کی گئی ہے۔
ارجنٹائن کے مڈفیلڈر لینڈرو پاریدیس کو فائنل کے بعد ہسپانوی کھلاڑیوں کی جشن منانے کے دوران شروع ہونے والے ہنگامے میں مبینہ طور پر تین حملوں کا سامنا ہے۔
ناہویل مولینا پر دو الزامات عائد کیے گئے ہیں، جبکہ اسسٹنٹ کوچ روبرٹو آیالا کے خلاف ایک الزام درج کیا گیا ہے۔ الزامات ثابت ہونے پر ان کھلاڑیوں پر طویل پابندیاں لگائی جاسکتی ہیں ۔
تھیاگو المادہ اور اسپین کے گاوی پر غیر ورپورٹ مین اسپورٹس مین شپ (غیر اخلاقی رویے) کے الزامات عائد کیے گئے ہیں۔
یادرہے ارجنٹائن فٹ بال فیفا کی سخت پکڑ میں آ گئی ہے کیونکہ تماشائیوں کی جانب سے میچوں کے دوران امتیازی نعرے اور اشارے کیے گئے، میدان میں اشیاء پھینکی گئیں، میچز مقررہ وقت پر شروع نہ ہونے دیے گئے (لیٹ کِک آف)، اور سکیورٹی پروٹوکول کی سنگین خلاف ورزیاں سامنے آئیں۔
اس کے علاوہ انگلینڈ کے خلاف میچ میں کامیابی کے بعد کھلاڑیوں کی جانب سے "Las Malvinas son Argentinas” (فاک لینڈ جزائر ارجنٹائن کے ہیں) کا متنازع بینر لہرانے پر بھی فیفا نے شدید نوٹس لیا ہے۔
فیفا کی جانب سے ارجنٹائن کو بھاری جرمانوں سے لے کر بند دروازوں کے پیچھے (تماشائیوں کے بغیر) میچ کھیلنے جیسی سزائیں دی جا سکتی ہیں۔
تاہم، آئندہ ٹورنامنٹس سے ارجنٹائن کی مکمل نااہلی یا اخراج کا امکان تاحال بہت کم ہے، البتہ بار بار ایسی خلاف ورزیاں دہرانے پر یہ سخت قدم بھی اٹھایا جا سکتا ہے۔