سیالکوٹ (سلیم احمد اعوان شیخو)
وفاقی بجٹ 27-2026ء میں سرکاری ملازمین کی تنخواہوں میں 7 فیصد اضافے کے اعلان کو ملازمین نے مسترد کرتے ہوئے اسے ناکافی قرار دے دیا ہے۔سرکاری ملازمین کی کثیر تعداد کا کہنا ہے کہ مہنگائی کی موجودہ لہر میں تنخواہوں میں صرف 7 فیصد اضافہ اونٹ کے منہ میں زیرے کے مترادف ہے۔ مسلم لیگ ن کی حکومت نے کبھی بھی سرکاری ملازمین کی فلاح وبہبود کے لئے کوئی کام نہ کیا ہے بلکہ سرکاری ملازمین کو جب بھی فائدہ پہنچا ہے پیپلز پارٹی کی حکومت نے ہی پہنچایا ہے۔ سرکاری ملازمین کو اصل تحفظ اپنے دور اقتدار میں ذوالفقار علی بھٹو شہید بے نظیر بھٹو شہید آصف علی زرداری اور یوسف رضا گیلانی نے دیا۔