کہوٹہ (بے نقاب نیوز)
ایم سی آفس کہوٹہ میں ایک خصوصی تقریب کا انعقاد کیا گیا جس میں عید الاضحیٰ 2026 کے دوران صفائی کے بہترین انتظامات اور شاندار کارکردگی پر ستھرا پنجاب ٹیم کہوٹہ اور سی ٹی ڈی ایس جے وی (پرائیویٹ) لمیٹڈ کے افسران و عملے کو خراج تحسین پیش کیا گیا۔تقریب میں حلقہ پی پی-7 کے رکن پنجاب اسمبلی راجہ صغیر احمد، چیف ایگزیکٹو آفیسر آر ڈبلیو ایم سی رانا ساجد، اسسٹنٹ کمشنر کہوٹہ شرین گل، چیف آفیسر ایم سی کہوٹہ صائمہ تحریم، تحصیل منیجر آر ڈبلیو ایم سی مجید ستی، ڈائریکٹر سی ٹی ڈی ایس عامر شفیع، جنرل منیجر سی ٹی ڈی ایس شعیب رانا (ستھرا پنجاب)، تحصیلدار مرزا منصور،گرداور راجہ عامر ،منیجر آپریشنز سی ٹی ڈی ایس وقار کیانی سمیت مسلم لیگ (ن) کی مقامی قیادت اور دیگر معزز شخصیات نے شرکت کی۔مقررین نے عید الاضحیٰ کے موقع پر شہر کہوٹہ میں صفائی کے مثالی انتظامات کو سراہتے ہوئے کہا کہ متعلقہ اداروں اور عملے نے دن رات محنت کرکے شہریوں کو صاف ستھرا ماحول فراہم کیا۔ اس موقع پر ڈائریکٹر سی ٹی ڈی ایس عامر شفیع اور جنرل منیجر ستھرا پنجاب شعیب رانا سمیت دیگر افسران کو ان کی بہترین کارکردگی کے اعتراف میں خصوصی شیلڈز پیش کی گئیں۔تقریب کے اختتام پر صفائی عملے اور انتظامیہ کی خدمات کو خراج تحسین پیش کیا گیا۔