ن لیگ سوشل میڈیا ہیڈ سردار محمد صفدر خان لغاری آہوں اور سسکیوں میں سپرد خاک، وزیراعظم شہباز شریف کا اظہار تعزیت

مسلم لیگ ن کے سینئر رہنما  اور ایم این اے سردار محمد اظہر خان لغاری کے صاحبزادے اور ن لیگ سوشل میڈیا کے ہیڈ سردار محمد صفدر خان لغاری قضائے الٰہی سے انتقال کر گئے۔
صادق آباد سے مسلم لیگ (ن) کے رہنما اور سابق ٹکٹ ہولڈر پی پی 266 سردار صفدر خان لغاری طویل علالت کے بعد لاہور کے ہسپتال میں انتقال کر گئے۔  انہیں آہوں  اور سسکیوں میں ڈی ایچ اے لاہور کے قبرستان میں سپرد خاک کردیا گیا ۔
معدے کے عارضے میں مبتلا سردار صفدر خان لغاری گزشتہ روز سرجری کے بعد وینٹی لیٹر پر تھے، مرحوم مسلم لیگ ن پنجاب کے سوشل میڈیا ٹیم کے ہیڈ تھے، سردار صفدر خان لغاری کے انتقال کی خبر پر سیاسی و سماجی حلقوں میں گہرے رنج و غم کی لہر،  سردار صفدر خان لغاری کے انتقال پر مسلم لیگ (ن) کے کارکنان اور رہنماؤں  نے اظہار افسوس کیا۔
وزیراعظم شہباز شریف نے ان کے انتقال پر  اظہار تعزیت کیا ہے نے مرحوم کی بلندی ء درجات اوراہل خانہ کے لئے صبر جمیل کی دعاء کی۔محمد شہبازشریف نے مرحوم صفدر لغاری کے چچا سابق رکن قومی اسمبلی ارشد لغاری سے بھی اظہار تعزیت کیا۔
وزیراعظم نے کہا کہ پاکستان مسلم لیگ ن کے لئے مرحوم صفدر لغاری کی خدمات کو ہمیشہ یاد رکھا جائے گا۔اللہ تعالیٰ مرحوم کو جنت الفردوس میں اعلیٰ مقام عطا فرمائے آمین۔