چونیاں:(چوہدری اعظم) چھانگا مانگا فلائی اوور پر تیز رفتار بس اور رکشہ میں تصادم ہوا ہے جس کے نتیجہ میں رکشہ ڈرائیور سمیت نویں کلاس کے پیپر کیلئے جانے والی 9 طالبات شدید زخمی ہو گئیں۔
بچیاں نویں جماعت کا بورڈ کا امتحان دینے جارہی تھیں۔
زخمی طالبات کو اپنی مدد آپکے تحت RHC ہسپتال چھانگا مانگا پہنچایا گیا جہاں سے چار طالبات کو تشویش ناک حالت میں جناح ہسپتال لاہور ریفر کر دیا گیا ہے جن میں سے ایمن فاطمہ اور مبشرہ اشفاق زخموں کی تاب نہ لاتے ہوئے راستے میں دم توڑ گئیں جبکہ زخمی رکشہ ڈرائیور جاوید سمیت ، سدرہ، یشفاء ، ایمان، ایمان فاطمہ، عنابیہ، نادیہ اور ماریہ کا مختلف ہسپتالوں میں علاج جاری ہے تھانہ چھانگا مانگا پولیس نے موقع پر پہنچ کر بس اور رکشہ کو تحویل میں لے لیا ہے جبکہ بس ڈرائیور کو بھی گرفتار کر کے کاروائی کا آغاز کر دیا ہے۔ وزیر تعلیم رانا سکندر حیات کا واقعے پر نوٹس لیتے ہوئے ڈی پی اوقصور سے رپورٹ طلب کرلی۔
ڈی پی او قصور آفتاب احمد پھلروان نے نوٹس لیتے ہوئے غیر قانونی چلنے والی بسوں کے خلاف کریک ڈاؤن کا حکم دے دیا