وزیراعظم شہبازشریف اور فیلڈ مارشل آرمی چیف سیدعاصم منیر کی ڈیووس میں اہم ملاقاتیں

ڈیووس: وزیرِ اعظم محمد شہباز شریف اور چیف آف آرمی اسٹاف و چیف آف ڈیفینس فورسز فیلڈ مارشل سید عاصم منیر نے ڈیووس میں منعقدہ عالمی اقتصادی فورم کے سالانہ اجلاس میں شرکت کی۔
پرائم منسٹر آفس کے میڈیا ونگ کے مطابق عالمی اقتصادی فورم کے دوران وزیرِ اعظم اور فیلڈ مارشل فورم میں شریک عالمی رہنماؤں کی توجہ کا مرکز بنے رہے، اس موقع پر دونوں کی مختلف عالمی رہنماؤں سے غیر رسمی اور خوشگوار ملاقاتیں ہوئیں۔
وزیرِ اعظم محمد شہباز شریف اور فیلڈ مارشل سید عاصم منیر کی آذربائیجان کے صدر الہام علیئف، امریکہ کے سیکریٹری آف اسٹیٹ مارکو روبیو اور سعودی عرب کے وزیرِ خارجہ شہزادہ فیصل بن فرحان آل سعود سے ملاقاتیں بھی ہوئیں۔
فورم میں شریک رہنماؤں سے غیر رسمی ملاقاتوں کے دوران باہمی مسکراہٹوں کے تبادلے اور گرمجوشی کا مظاہرہ دیکھنے میں آیا۔
وزیرِ اعظم محمد شہباز شریف اور فیلڈ مارشل سید عاصم منیر نے عالمی اقتصادی فورم میں امریکی صدر ڈونلڈ ٹرمپ کے خصوصی خطاب میں بھی شرکت کی۔