ملتان :(حافظ نعیم سے  )سینئر منسٹر مریم اورنگزیب نے سیلاب کے دوران فرائض منصبی سرانجام دینے پر ستھرا پنجاب، سول ڈیفنس، سی اینڈ ڈبیلو، فاریسٹ اور وائلڈ لائف سٹاف کو زبردست خراج تحسین پیش کیا ہے۔

سینئر منسٹر مریم اورنگزیب نے سیلاب کے دوران ڈیوٹی سرانجام دینے والوں کو وزیراعلیٰ کی طرف سے شاباش کا پیغام دیا۔ سینئر منسٹر مریم اورنگزیب نے مختلف ڈیپارٹمنٹ کے ورکرز سے خطاب کرتے ہوئے کہا کہ آپ اور ہم سب وزیراعلیٰ مریم نواز شریف کی ٹیم ہیں۔وزیراعلیٰ مریم نواز شریف کی ہدایت پر سیلاب زدگان کی مدد اور خدمت کرنے والے قابل تحسین ہیں۔وائلڈ لائف، سول ڈیفنس، سی اینڈ ڈبلیو، ستھرا پنجاب کے ورکروں کو وزیراعلیٰ کی طرف سے شاباش دیتی ہوں۔سیلاب کے دوران جوش و جذبے سے کام کےا، یہ عوام کی خدمت اور کام کا وقت ہے۔ انہوں نے کہا کہ خلوص نیت کے ساتھ خدمت کریں اور مل جل کرمصیبت کا سامنا کرنا ہے۔ سیلاب کے دوران ستھرا پنجاب کے ورکروں نے بہت اچھا کام کیا ہے۔ اللہ تعالیٰ سب کی خدمت کو قبول فرمائے۔ اللہ تعالیٰ ہی سب کو سیلاب زدگان کی خدمت کا اجر دے گا۔ انہوںنے کہا کہ وزیراعلیٰ مریم نواز شریف کی ہدایت پر وزراتی ٹیم سیلاب زد ہ علاقے میں خود پہنچی ہے۔ سینئر منسٹر مریم اورنگزیب نے کہا کہ سیلاب زدہ علاقے بروقت صفائی ستھرائی سے متعدد بیماری سے محفوظ رہے۔ اتنا بڑا سیلاب تھا لیکن سب نے مل جل کر کام کیا۔ کسی جان کو بچانا کار ثواب ہے، سینکڑوں اور ہزاروں جانوں کو بچانے کا اجر اللہ ہی جانتا ہے۔سینئر منسٹر مریم اورنگزیب نے کہا کہ سیلاب کے دوران محنت کرنے والوں کو انعام بھی دیا جائے گا۔ورکرز نے پاکستان زندہ باد کے نعرے بھی لگائے۔