جدہ :سعودی ولی عہد و وزیرِاعظم اور پبلک انویسٹمنٹ فنڈ کے بورڈ آف ڈائریکٹرز کے چیئرمین شہزادہ محمد بن سلمان نے سعودی نیشنل آٹوموٹیو کمپنی ’سیر‘ کی پہلی الیکٹرک وہیکل ’ایگزوبوٹ‘ متعارف کرائی ہے۔
سعودی پریس ایجنسی کے مطابق اس موقع پر ولی عہد شہزادہ محمد بن سلمان نے کہا کہ ’سیر کمپنی کی پہلی الیکٹرک وہیکل کی لانچنگ مملکت میں پائیدار اور ترقی یافتہ صنعتی نظام کی تشکیل اور استحکام کے سفر میں اہم قدم ہے۔‘
انہوں نے مزید کہا کہ ’مملکت میں سرمایہ کاری کے فروغ، قومی صلاحیتوں کو با اختیار بنانے اور نجی شعبے کے کردار کو مضبوط بناتے ہوئے آٹوموبائل انڈسٹری کو اقتصادی ترقی کے ایک بنیادی ستون کے طور پر فروغ دیا جا رہا ہے تاکہ سعودی عرب اس شعبے میں علاقائی اور عالمی سطح پر ایک نمایاں مرکز بن سکے۔‘
🇸🇦⚡ Ceer EXOBOT : la première voiture électrique saoudienne dévoilée
📍 Le prince héritier Mohammed ben Salmane a lancé lundi 21 septembre EXOBOT, les premiers véhicules électriques de Ceer, la marque automobile nationale saoudienne.
🚗 Deux modèles flagship :
Berline EXOBOT… pic.twitter.com/1yJdVoo5Y7— BREF_INFOS (@BREF_ACTUALITES) September 21, 2026
خیال رہے سیر کمپنی کی تیار کردہ ایگزوبوٹ سیڈان اور ایس یو وی (فورویل) دونوں اقسام میں تیار کی گئی پہلی پروڈکشن ہے۔
کمپنی آئندہ پانچ برسوں میں مجموعی طورپر سات ماڈلز مرحلہ وار لانچ کرنے کا ارادہ رکھتی ہے ان میں درمیانے اور چھوٹے سائز کی گاڑیوں کے علاوہ مختلف ڈرائیو سسٹمز شامل ہوں گے۔
کمپنی کنگ عبداللہ اکنامک سٹی کے تحت کنگ سلمان آٹوموٹیو انڈسٹری کمپلیکس میں قائم ہے۔ یہ مرکز مشرق وسطیٰ کی سطح پر اپنی نوعیت کا سب سے بڑا اور دنیا کے جدید ترین آٹوموبائل مینوفیکچرنگ مراکز میں شمار ہوگا۔
نئی لانچ کی جانے والی گاڑی ’ایگزوبوٹ‘ کا ڈیزائن انتہائی منفرد ہے۔ اس کی ڈیزائننگ اور انجینیئرنگ مقامی سطح پر کی گئی ہے جبکہ ان کی تیاری میں عالمی معیار کی تمام خصوصیات وسہولتوں کو مدنظر رکھا گیا ہے۔
توقع ہے سال 2034 تک ’سیر‘ سعودی عرب کی جی ڈی پی میں 30 ارب سعودی ریال سے زیادہ کا حصہ ڈالے گی جبکہ تجارتی توازن میں تقریباً 80 ارب ریال کی گروتھ ہو گی۔