انگلینڈ نے یوٹیلیٹا باؤل (ساؤتھمپٹن) میں کھیلے گئے سیریز کے پہلے ٹی 20 میچ میں سری لنکا کو 119 رنز سے شکست دے دی۔ انگلینڈ نے ٹاس ہار کر پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 254 رنز کا پہاڑ جیسا سکور بنایا۔ کپتان ہیری بروک نے شاندار بیٹنگ کرتے ہوئے صرف 49 گیندوں پر 6 چھکوں اور 10 چوکوں کی مدد سے ناٹ آؤٹ 114 رنز بنائے۔ انہوں نے محض 42 گیندوں پر اپنی سینچری مکمل کی۔جوس بٹلر: جوس بٹلر نے بھی دھواں دار بیٹنگ کا مظاہرہ کیا اور 44 گیندوں پر 8 چوکوں اور 3 چھکوں کے ساتھ 80 رنز بنائے۔ 255 رنز کے ہدف کے تعاقب میں سری لنکن ٹیم انگلش بولرز کے سامنے ریت کی دیوار ثابت ہوئی اور 19 اوورز میں 135 رنز پر آل آؤٹ ہو گئی۔سری لنکا کی جانب سے ڈنتھ ویلالیج 33 رنز بنا کر نمایاں رہے سونی بیکر (Sonny Baker) نے اپنے ڈیبیو میچ میں بہترین بولنگ کرتے ہوئے 4 اوورز میں صرف 12 رنز دے کر 3 وکٹیں حاصل کیں۔ علاوہ ازیں لیام ڈاوسن اور جیمی اوورٹن نے 2، 2 وکٹیں حاصل کیں۔ انگلینڈ نے میچ میں 119 رنز سے کامیابی حاصل کر کے 3 میچوں کی T20I سیریز میں 0-1 کی برتری حاصل کر لی ہے۔ پلیئر آف دی میچ ہیری بروک کو قرار دیا گیا۔