عمران خان کی طرح سہولیات لینے کے کیس میں بڑی پیش رفت ، وفاقی آئینی عدالت کا تین قیدیوں کے کیسز میں کل کے لیے نوٹس جاری

اسلام آباد :عمران خان کی طرح سہولیات لینے کے کیس میں بڑی پیش رفت ، وفاقی آئینی عدالت نے تین قیدیوں کے کیسز میں کل کے لیے نوٹس جاری کر دیااٹارنی جنرل کو بھی نوٹس جاری کردئیے گئے۔
اسلام آباد:اڈیالہ جیل میں قید بانی پی ٹی آئی عمران خان کی طرز پر دیگر ہائی پروفائل قیدیوں کو بھی خصوصی مراعات اور سہولیات فراہم کرنے کے معاملے پرعدالت نے اس حوالے سے دائر اہم مقدمات میں بڑی پیش رفت کرتے ہوئے تین مختلف قیدیوں کے کیسز کی سماعت کل کے لیے مقرر کر دی ہے اور فریقین کو نوٹس جاری کر دیے ہیں۔
ذرائع کے مطابق وفاقی آئینی عدالت نے جیلوں میں قیدیوں کے حقوق، ان کے ساتھ روایتی برتاؤ اور خصوصی سہولیات کی فراہمی سے جڑے ان مقدمات میں عدالت کی معاونت کے لیے اٹارنی جنرل آف پاکستان کو بھی باضابطہ طور پر نوٹس جاری کرتے ہوئے طلب کر لیا ہے۔ عدالت یہ طے کرے گی کہ آیا قانون کی نظر میں تمام قیدیوں کے ساتھ یکساں سلوک ہونا چاہیے یا کسی مخصوص قیدی کو قانون سے ہٹ کر سہولیات دی جا سکتی ہیں۔ اس ہائی پروفائل کیس کی کل ہونے والی سماعت کے دوران اہم قانونی نکات زیرِ بحث آئیں گے۔