سیالکوٹ۔ پسرورسلیم احمد اعوان شیخو محمد اشفاق
شادی سے انکار کرنے پر لڑکی کو قتل کرنے کے مقدمہ میں ملوث شخص 17 سال بعد گرفتار۔بتایا گیا ہے کہ تھانہ سبز پیر پولیس نے ایک شخص نعیم سلامت عرف وسیم سلامت کو ایک لڑکی انیکا کو 17 سال قبل قتل کرنے کے مقدمہ میں گرفتار کر لیا ہے۔پتہ چلا ہے کہ نعیم سلامت قتل ہونے والی لڑکی سے پسند کی شادی کرنا چاہتا تھا اور جب لڑکی کے گھر والوں نے رشتہ دینے سے انکار کیا تو نعیم سلامت نے فائرنگ کرکے لڑکی کو جان سے مار دیا اور خود نعیم سلامت فرار ہو گیا جبکہ فرار ہونے کے بعد نعیم سلامت 17 سال تک کراچی، بلوچستان اور آزاد کشمیر سمیت مختلف علاقوں میں رہائش پذیر رہا جبکہ مذکورہ مقدمہ میں گرفتاری سے بچنے کے لئے نعیم سلامت نے کئی بار اپنی شناخت اور شناختی دستاویزات تبدیل کیں۔پولیس کے مطابق پولیس نے جدید ٹیکنالوجی اور ہیومن انٹیلی جنس کی مدد سے نعیم سلامت کی نقل و حرکت کا سراغ لگایا جبکہ تھانہ سبز پیر پولیس نے پیشہ ورانہ مہارت سے نعیم سلامت کو گرفتار کیا جبکہ گرفتاری کے بعد نعیم سلامت سے مزید تفتیش اور قانونی کارروائی جاری ہے۔ڈسٹرکٹ پولیس آفیسر سیالکوٹ کیپٹن (ر) دوست محمد نے نعیم سلامت کی گرفتاری کا خصوصی ٹاسک دیا تھا۔
یہاں یہ امر قابل ذکر ہے کہ یہ جدید ٹیکنالوجی اور ہیومن انٹیلی جنس کی کہانی سب جھوٹ ہوتی ہے کیونکہ ایک بندہ 17 سال سے قتل کرکے فرار ہوگیا تو پکڑا نہ گیا بس کسی کو پتہ چل گیا کہ قاتل فلاں شہر کے فلاں علاقہ میں رہتا ہے تو پولیس نے مخبری ہونے کی بناء پر گرفتار کر لیا۔