ٹانک:کفایت اللہ پراچہ سے
ڈپٹی کمشنر آفس ٹانک میں امن و امان کی موجودہ صورتحال، عوام کے جان و مال کے تحفظ اور علاقے میں دیرپا امن کے قیام کے حوالے سے ایک اہم جرگہ منعقد ہوا، جس میں ڈپٹی کمشنر ٹانک جمشید خان، ڈسٹرکٹ پولیس آفیسر عبدالصمد خان، متعلقہ ضلعی افسران اور مختلف علاقوں سے تعلق رکھنے والے علاقہ عمائدین و مشران نے شرکت کی۔جرگے میں علاقہ عمائدین نے اپنے اپنے علاقوں میں امن و امان کی صورتحال، عوام کو درپیش مسائل اور قیامِ امن کو مزید مؤثر بنانے کے حوالے سے تفصیلی تجاویز پیش کیں۔ عمائدین نے اس عزم کا اظہار کیا کہ علاقے میں امن کے قیام، جرائم کے خاتمے اور عوام کے جان و مال کے تحفظ کیلئے انتظامیہ اور پولیس کے ساتھ ہر ممکن تعاون جاری رکھا جائے گا۔
جرگے کے اختتام پر علاقہ عمائدین نے انتظامیہ اور پولیس کو اپنے بھرپور تعاون کی یقین دہانی کراتے ہوئے کہا کہ دیرپا امن، عوامی تحفظ اور علاقے کی ترقی کیلئے تمام اسٹیک ہولڈرز کو مل کر اپنا کردار ادا کرنا ہوگا۔ شرکاء نے امن کے قیام کیلئے مشترکہ کوششیں جاری رکھنے اور باہمی مشاورت کا سلسلہ مزید مضبوط بنانے پر اتفاق کیا۔
اہم پیغام
امن صرف انتظامیہ یا پولیس کی ذمہ داری نہیں، بلکہ عوام، مشران اور سیکیورٹی اداروں کے مشترکہ تعاون سے ہی پائیدار امن کا خواب حقیقت بن سکتا ہے۔