خوشاب (راجہ نورالہی عاطف سے)
ایکس پریذیڈنٹ ڈسٹرکٹ بار ایسوسی ایشن خوشاب ایڈووکیٹ ملک طاہررضا بگھور نے میڈیا سے خصوصی گفتگوکرتے ہوءے کہا ہے کہ گورنمنٹ ایلیمنٹری سکول ظفر آباد رنگپور بگھور کے سکاؤٹس نے صوبائی سطح پر شاندار کارکردگی کا مظاہرہ کر کے نہ صرف اپنے ادارے اور گاؤں رنگپوربگھور بلکہ پورے ضلع خوشاب کا نام روشن کر دیا ہے ۔ جس پر ہم دل کی اتھاہ گہرائیوں سے سی ای او ایجوکیشن خوشاب محمد عیسی ا لالی، ڈی ای او ایلیمنٹری سکولز خوشاب فیض الحسن ملک، ڈپٹی ڈی ای او تحصیل نورپورتھل ظہیر عباس بھٹی، اسسٹنٹ ایجوکیشن افیسر رنگپور بگھور ملک محمد امتیاز نسیم ، ہیڈ ماسٹر ادارہ ہذا ملک عابد اقبال اور پورے ٹیچنگ سٹاف کو مبارکباد پیش کرتے ہیں اور ادارے کی مزید شاندار کامیابیوں کے لیے دعا گو ہیں ۔ انہوں نے کہا کہ اللہ تعالی ا کے فضل و کرم سے گورنمنٹ ایلیمنٹری سکول رنگپور بگھور نصابی اور ہم نصابی سرگرمیوں کے حوالے سے شاندار روایات کا امین ادارہ ہے جس کا کریڈٹ بلا شبہ پوری ٹیم کو جاتا ہے ۔ ایڈووکیٹ ملک طاہر رضا بگھور نے مزید کہا کہ انشاءاللہ ہم اس ادارے کی تعمیر و ترقی کے لیے سکول انتظامیہ سے ہمیشہ کی طرح بھرپور تعاون جاری و ساری رکھیں گے ۔