ڈھڈیال(منور حسین سے)
چکوال: جیٹھل گاؤں میں چارہ کاٹنے والی مشین سے پیش آنے جیوالے حادثے میں ایک شخص زخمی ہوگیا۔ حادثے کے دوران شہری کا ہاتھ مشین کے اندر آکر شدید متاثر ہوا، جس پر ریسکیو 1122 کو اطلاع دی گئی۔ریسکیو کمانڈ اینڈ کنٹرول روم چکوال کو اطلاع ملتے ہی قریبی ایمرجنسی پوائنٹ سے ایمبولینس جائے حادثہ کی جانب روانہ کی گئی۔ ریسکیو اہلکاروں نے موقع پر پہنچ کر صورتحال کا جائزہ لیا اور زخمی شخص کو ابتدائی طبی امداد فراہم کی۔ریسکیو ٹیم نے زخمی کو مزید طبی علاج کے لیے ڈسٹرکٹ ہیڈ کوارٹر ہسپتال چکوال منتقل کردیا۔زخمی کی شناخت تصور حسین ولد محمد حسین کے نام سے ہوئی ہے، جو جیٹھل گاؤں کا رہائشی بتایا جاتا ہے۔