ارومچی / لاہور:وزیراعلیٰ پنجاب مریم نواز شریف سرکاری مہمان کی حیثیت سے چار روزہ دورے پر چین کے صوبے سنکیانگ پہنچ گئی ہیں، جہاں ارومچی بین الاقوامی ایئرپورٹ پر چینی اعلیٰ عہدیداروں اور سفارتی حکام نے پنجاب کے وفد کا انتہائی پُرجوش خیرمقدم کیا۔ دورے کے پہلے ہی روز وزیراعلیٰ نے مصروف ترین شیڈول کے تحت مختلف اہم ملاقاتوں میں حصہ لیا۔
سنکیانگ اسٹیٹ گیسٹ ہاؤس کے کنلن ہال میں وزیراعلیٰ مریم نواز شریف کی صوبہ سنکیانگ کے پارٹی سیکرٹری چن شیاوجیانگ (Chen Xiaojiang) کی سربراہی میں اعلیٰ سطح کے وفد سے اہم ملاقات ہوئی۔ ملاقات کرنے والے چینی حکام میں کمیونسٹ پارٹی سنکیانگ ایغور کے ڈپٹی سیکرٹری اور پولیٹیکل کمشنر ہی ژونگ یو، پبلسٹی ڈیپارٹمنٹ کے ہیڈ وانگ جین زن، ایگزیکٹو وائس گورنر زانگ ینگ چن اور صوبائی ڈپٹی سیکرٹری جنرل لی کی یونگ بھی شامل تھے۔
ملاقات کے دوران دونوں رہنماؤں نے زراعت، آبپاشی، لائیو سٹاک، میکانائزیشن اور نئی ٹیکنالوجی کے شعبوں میں دوطرفہ شراکت داری کو مزید فروغ دینے پر گہرا اتفاق کیا۔ زراعت کے شعبے میں جدید ترین ایریل وہیکل (ڈرونز) کے استعمال، واٹر لیولنگ اور ڈیجیٹل کراپ مانیٹرنگ کے نظام کو اپنانے کے علاوہ بہتر پیداوار کے لیے چین کے آزمودہ بیجوں کے استعمال پر زور دیا گیا۔
اس موقع پر گفتگو کرتے ہوئے وزیراعلیٰ مریم نواز شریف نے کہا کہ پنجاب زرعی پیداوار کے لحاظ سے پاکستان کا سب سے بڑا صوبہ ہے جو ملک بھر کی گندم، مکئی، گنا اور چاول کی غذائی ضروریات پوری کرنے میں کلیدی کردار ادا کر رہا ہے۔ انہوں نے چینی حکام کو پیشکش کی کہ پنجاب حکومت زراعت، صنعت، معدنیات اور کارپوریٹ زون فارمنگ کے شعبوں میں سنکیانگ کے تجربات سے بھرپور طور پر مستفید ہونا چاہتی ہے۔
<blockquote class=”twitter-tweet”><p lang=”ur” dir=”rtl”>"وزیر اعلیٰ مریم نواز کی چین کے صوبے سنکیانگ کے پارٹی سیکرٹری چین شاو جیانگ سے ملاقات"<br><br>• زراعت، آبپاشی اور لائیو سٹاک سمیت مختلف شعبوں میں شراکت داری کو فروغ دینے پر اتفاق<br><br>• زراعت کیلئے جدید ترین ایریل و ہیکل، جدید واٹر لیولنگ ڈیجیٹل کراپ مانیٹرنگ پر اتفاق<br><br>• چین کے ساتھ… <a href=”https://t.co/VeaZE0DZIk”>pic.twitter.com/VeaZE0DZIk</a></p>— PMLN (@pmln_org) <a href=”https://x.com/pmln_org/status/2092249638221078946?ref_src=twsrc%5Etfw”>August 25, 2026</a></blockquote> <script async src=”https://platform.x.com/widgets.js” charset=”utf-8″></script>
ملاقات میں دونوں خطوں کے درمیان وفود کے تبادلوں، عوامی سطح پر تعلقات کو مضبوط بنانے اور علاقائی استحکام کے تحت باہمی تعاون بڑھانے پر بھی تفصیلی تبادلہ خیال کیا گیا۔ دورے کے پہلے روز وزیراعلیٰ مریم نواز نے سنکیانگ پروڈکشن اینڈ کنسٹرکشن کور (XPCC) کے وفد سے بھی اہم میٹنگ کی۔ بعد ازاں، ہی ژونگ یو کی جانب سے وزیراعلیٰ پنجاب اور ان کے وفد کے اعزاز میں ایک پروقار عشائیہ بھی دیا گیا۔ وزیراعلیٰ اپنے اس سرکاری دورے کے دوران سنکیانگ اسٹیٹ گیسٹ ہاؤس میں قیام پذیر ہیں۔