نواب شاہ (نمائندہ بے نقاب نیوز، نفیس آرائیں)
جشنِ آزادی اسپورٹس فیسٹیول کے دوسرے روز گورنمنٹ کورٹ روڈ گرلز ہائی اسکول میں انٹر اسکولز و کالجز گرلز ٹگ آف وار چیمپئن شپ کا انعقاد کیا گیا، جس میں گورنمنٹ کورٹ روڈ گرلز ہائی اسکول نے شاندار کارکردگی کا مظاہرہ کرتے ہوئے چیمپئن شپ ٹرافی اپنے نام کرلی۔
گورنمنٹ بی ڈی ایس گرلز ہائی اسکول نے دوسری، پی ایس پی اسکول نے تیسری، گورنمنٹ اسلامیہ گرلز ہائی اسکول نے چوتھی جبکہ پائیٹ اسکول نے پانچویں پوزیشن حاصل کی۔
ڈائریکٹر پرائیویٹ اسکولز شہید بینظیر آباد ریجن شہناز لاکھو تقریب کی مہمانِ خصوصی تھیں۔ انہوں نے ڈی ایس او عبدالرحیم راجپوت اور دیگر مہمانان کے ہمراہ نمایاں پوزیشن حاصل کرنے والی ٹیموں میں ٹرافیاں تقسیم کیں اور کھلاڑیوں کو اسناد سے نوازا۔
شہناز لاکھو نے محکمہ کھیل و امورِ نوجوانان حکومتِ سندھ اور ڈسٹرکٹ اسپورٹس آفس شہید بینظیر آباد کو شاندار کھیلوں کے انعقاد پر مبارکباد پیش کرتے ہوئے اسے نوجوان نسل میں کھیلوں کے فروغ کے لیے خوش آئند اقدام قرار دیا۔