ہالی ووڈ باکس آفس پر تاریخ رقم: ’سپائیڈر مین‘ اور ’دی اوڈیسی‘ نے ایک ارب ڈالر کا سنگ میل عبور کر لیا،

لاس اینجلس: ہالی ووڈ کی دو بڑی اور انتہائی مقبول فلموں ’سپائیڈر مین: برانڈ نیو ڈے‘ (Spider-Man: Brand New Day) اور ہدایت کار کرسٹوفر نولن کی شاہکار فلم ’دی اوڈیسی‘ (The Odyssey) نے عالمی باکس آفس پر کمائی کے تمام ریکارڈ توڑتے ہوئے ایک ارب ڈالر سے زائد کا بزنس کر لیا ہے۔
اس شاندار کامیابی کے بعد سال 2026 کا یہ سیزن ہالی ووڈ کی تاریخ کے کامیاب ترین ادوار میں شامل ہو گیا ہے۔ امریکی جریدے ’انٹرٹینمنٹ ویکلی‘ اور باکس آفس رپورٹس کے مطابق ٹام ہالینڈ کی بطور سپائیڈر مین چوتھی فلم ’سپائیڈر مین: برانڈ نیو ڈے‘ نے ریلیز کے محض 12 دنوں کے اندر ہی دنیا بھر میں ایک ارب ڈالر کا ہندسہ عبور کر کے تاریخ کا دوسرا تیز ترین یہ سنگ میل عبور کرنے کا اعزاز حاصل کیا۔ فلم نے اپنے دوسرے ہفتے کے دوران اکیلے امریکہ میں 14 کروڑ 50 لاکھ ڈالر جبکہ عالمی سطح پر 38 کروڑ 10 لاکھ ڈالر کا کاروبار کیا، اور مجموعی طور پر اس کی کمائی 1.67 ارب ڈالر تک جا پہنچی ہے۔
دوسری جانب نامور ہدایت کار کرسٹوفر نولن کی رزمیہ فلم ’دی اوڈیسی‘ نے تقریباً چار ہفتوں میں ایک ارب ڈالر کا ہندسہ عبور کیا۔ اس فلم کی مجموعی آمدنی بڑھ کر 1.104 ارب ڈالر ہو چکی ہے، جس کے ساتھ ہی یہ فلم کرسٹوفر نولن کے فلمی کیریئر کی اب تک کی سب سے زیادہ کمائی کرنے والی فلم بن گئی ہے، جس نے ان کی پچھلی مقبول فلم ’دی ڈارک نائٹ رائزز‘ کا ریکارڈ بھی توڑ دیا ہے۔ امریکی باکس آفس میں 51 فیصد اضافہ: ان دونوں بڑی فلموں کی غیر معمولی کامیابی نے امریکی باکس آفس کو بھی نئی بلندیوں سے ہے۔ حالیہ اعداد و شمار کے مطابق صرف تین دنوں کے دوران امریکی سینما گھروں نے 20 کروڑ 30 لاکھ ڈالر کا بزنس کیا، جو گزشتہ سال کے اسی ویک اینڈ کے مقابلے میں 51 فیصد زیادہ ہے۔ اس کارکردگی نے ثابت کر دیا ہے کہ بڑے پردے پر معیاری اور دیدہ زیب سنیما دیکھنے کے لیے شائقین کا جوش و خروش اب بھی عروج پر ہے۔