چکوال ( جلیل نقوی سے ) ڈسٹرکٹ پبلک پراسیکیوٹر (
) چکوال، عاطف محمودنے پراسیکیوٹر جنرل پنجاب، عرفان صادق تارڑسے ان کے دفتر میں ملاقات کی۔اس اہم ملاقات کے دوران ڈسٹرکٹ پبلک پراسیکیوٹر چکوال عاطف محمود نے عرفان صادق تارڑ کو پراسیکیوٹر جنرل پنجاب کا منصب سنبھالنے پر دلی مبارکباد پیش کی اور ان کے لیے نیک تمناؤں کا اظہار کیا۔ اس موقع پر انہوں نے پراسیکیوٹر جنرل کو خوبصورت گلدستہ بھی پیش کیا۔ملاقات میں پیشہ ورانہ امور، محکمہ پراسیکیوشن کی کارکردگی کو مزید بہتر بنانے اور صوبہ بھر میں انصاف کی بروقت فراہمی کے حوالے سے تبادلہ خیال کیا گیا۔پراسیکیوٹر جنرل پنجاب عرفان صادق تارڑ نے آمد پر ڈسٹرکٹ پبلک پراسیکیوٹر چکوال کا شکریہ ادا کیا اور محکمے کے افسران کو ہدایت کی کہ وہ انصاف کے حصول کے لیے پوری دیانت، جانفشانی اور قانون کی بالادستی کو مدنظر رکھتے ہوئے اپنے فرائض سرانجام دیں۔ ملاقات خوشگوار ماحول میں اختتام پذیر ہوئی۔