سانگھڑ (اشفاق سلہری کی رپورٹ)
شوہر کے مبینہ تشدد سے 27 سالہ خاتون جاں بحق، ملزم فرار تفصیلات کے مطابق سانگھڑ کے علاقے منگلی تھانے کی حدود میں واقع چک نمبر 81 میں مبینہ طور پر شوہر نے گھریلو تنازع پر کلہاڑیوں کے وار کرکے اپنی 27 سالہ اہلیہ ثمینہ کو شدید زخمی کر دیا اور موقع سے فرار ہوگیاریسکیو ذرائع کے مطابق زخمی خاتون کو رشتہ داروں نے فوری طور پر اسپتال منتقل کیا، تاہم وہ دورانِ علاج زخموں کی تاب نہ لاتے ہوئے دم توڑ گئی۔پولیس کے مطابق مقتولہ ثمینہ کی شادی دو سال قبل ارباب جنج سے ہوئی تھی۔ واقعے کے بعد منگلی پولیس نے جائے وقوعہ کا معائنہ کرکے شواہد اکٹھے کر لیے ہیں اور مختلف پہلوؤں سے تحقیقات کا آغاز کر دیا ہے، جبکہ فرار ملزم کی تلاش جاری ہے۔۔