مری میں مسلسل بارشیں، مختلف علاقوں میں لینڈ سلائیڈنگ کے واقعات، انتظامیہ ہائی الرٹ

مسلسل بارشوں کے باعث مری اور گردونواح کے مختلف علاقوں میں لینڈ سلائیڈنگ کے واقعات رپورٹ ہوئے ہیں، تاہم ضلعی انتظامیہ، ریسکیو 1122، پولیس، ہائی ویز، بلدیہ اور دیگر متعلقہ ادارے مکمل طور پر متحرک ہیں۔ متاثرہ شاہراہوں سے ملبہ ہٹانے اور ٹریفک کی روانی بحال رکھنے کے لیے مشینری کے ذریعے کلیئرنس آپریشن جاری ہے۔

ضلعی انتظامیہ نے شہریوں اور سیاحوں سے اپیل کی ہے کہ غیر ضروری سفر سے گریز کریں، موسمی صورتحال اور سرکاری ہدایات پر عمل کریں، جبکہ انتہائی ضرورت کے تحت سفر کی صورت میں احتیاطی تدابیر اختیار کریں تاکہ کسی بھی ناخوشگوار واقعے سے محفوظ رہا جا سکے۔

اپنی اور اپنے اہلِ خانہ کی حفاظت کو ترجیح دیں، احتیاط ہی بہترین تدبیر ہے۔