میاں چنوں(بینقاب نیوز رپورٹر عاصم کمال)
وزیر صحت پنجاب خواجہ عمران نذیر نے ٹی ایچ کیو ہسپتال میاں چنوں کا دورہ کیاایم پی ایز رانا بابر حسین، عامر حیات ہراج اور اسسٹنٹ کمشنر میاں چنوں، محترمہ ساجدہ رزاق، ایم ایس ڈاکٹر آصف محمود بھی ان کے ساتھ تھے ۔انہوں نے مریضوں سے سہولیات بارے بھی پوچھا۔ان کا کہنا تھا کے ہماری کوشش ہے 90 سے 95 فیصد مریضوں کا علاج میاں چنوں ٹی ایچ کیو میں ہوں میڈیکل سپرنٹنڈنٹ جب یہ عہدہ قبول کرتا ہے تو وہ بطور ڈاکٹر اپنی ذمہ داریوں کے ساتھ ساتھ ہسپتال کے تمام انتظامی امور، وسائل کی حفاظت اور مؤثر انتظام کی ذمہ داری بھی قبول کرتا ہے۔ اگر ان انتظامی ذمہ داریوں میں کوتاہی ہو تو اس پر جوابدہی اور سرزنش بالکل جائز اور ضروری ہے۔جب ایک طرف لاکھوں کروڑوں روپے مالیت کی ادویات مناسب ٹھنڈک (اے سی) نہ ہونے کی وجہ سے خراب ہونے کے خطرے سے دوچار ہوں، اور دوسری طرف ایک خالی کمرے میں بلا ضرورت اے سی چل رہا ہو، تو ایسے انتظامی معاملات پر توجہ دلانا اور جوابدہی طلب کرنا میری ذمہ داری ہے۔میرا مقصد کسی کی دل آزاری نہیں، بلکہ عوام کے وسائل کا تحفظ، سرکاری اداروں میں نظم و ضبط اور بہتر انتظامی نظام کو یقینی بنانا ہے.افسوس کے ساتھ کہنا پڑتا ہے کہ کچھ عناصر اس خالصتاً انتظامی معاملے کو سیاسی رنگ دے کر سوشل میڈیا پر غلط تاثر پھیلا رہے ہیں تاکہ اس سے ناجائز سیاسی فائدہ اٹھایا جا سکے، جو کسی صورت کامیاب نہیں ہوگا۔ حقیقت وہی ہے جو سب کے سامنے ہے۔۔
میں اپنے تمام ڈاکٹرز کا بے حد احترام کرتا ہوں۔ وہ ہمارے نظامِ صحت کا قیمتی سرمایہ ہیں، اور میں ان کی خدمات کو ہمیشہ قدر کی نگاہ سے دیکھتا ہوں۔ ان کا احترام پہلے بھی میرے لیے مقدم تھا، آج بھی ہے اور آئندہ بھی رہے گا۔