بلوچستان رحمت اللہ بلوچ بیوروچیف بے نقاب نیوز)
کھڈکوچہ میں فورسز اور مسلح افراد کے درمیان جھڑپوں کی اطلاعات، حالات کشیدہ، شہید نواب غوث بخش رئیسانی ٹیچنگ اسپتال مستونگ میں ایمرجنسی نافذ
مستونگ کے علاقے کھڈکوچہ میں سکیورٹی فورسز اور مسلح افراد کے درمیان جھڑپوں کی اطلاعات موصول ہو رہی ہیں، جس کے باعث علاقے میں صورتحال کشیدہ بتائی جا رہی ہے۔ڈپٹی کمشنر مستونگ بہرام سلیم کی ہدایت پر شہید نواب غوث بخش رئیسانی ہسپتال مستونگ کے قائم مقام چیف ایگزیکٹو آفیسر ڈاکٹر حمادالدین کاسی نے اسپتال میں فوری طور پر ایمرجنسی نافذ کر دی ہے۔ہسپتال انتظامیہ کے مطابق کسی بھی ہنگامی صورتحال سے نمٹنے کے لیے تمام متعلقہ طبی عملے کو الرٹ رہنے اور اپنی ڈیوٹیوں پر موجود رہنے کی ہدایت جاری کر دی گئی ہے۔