بلوچستان رحمت اللہ بلوچ بیوروچیف بے نقاب نیوز نیٹورک)
مستونگ میں پرائس کنٹرول کمیٹی کی کارکردگی پر عوامی حلقوں نے شدید تشویش کا اظہار کرتے ہوئے کہا ہے کہ تندور مالکان سرکاری نرخ اور مقررہ وزن کی کھلم کھلا خلاف ورزی کر رہے ہیں۔ عوامی حلقوں کے مطابق روٹی کا مقررہ وزن 300 گرام سے کم کرکے تقریباً 150 گرام روٹی 40 روپے میں فروخت کی جا رہی ہے، جس سے غریب شہریوں و مزدوروں کو کافی مشکلات کا سامنا ہے۔عوامی حلقوں کا کہنا ہے کہ متعدد جرمانوں اور وارننگز کے باوجود بعض تندوروں پر کیمیکل ملا دودھ اور دہی کی فروخت کا سلسلہ بھی بدستور جاری ہے، جو انسانی صحت کے لیے خطرناک ثابت ہو سکتا ہے۔شہریوں نے ڈپٹی کمشنر مستونگ اور اسسٹنٹ کمشنر مستونگ سے مطالبہ کیا ہے کہ وہ صورتحال کا فوری نوٹس لیتے ہوئے ملوث تندور مالکان کے خلاف قانون کے مطابق کارروائی عمل میں لائیں تاکہ عوام کو معیاری اشیائے خوردونوش اور مقررہ وزن کے مطابق روٹی کی فراہمی یقینی بنائی جا سکے۔