اسلام آباد :ایرانی صدر مسعود پزشکیان ایک روزہ دورہ پاکستان پر اسلام آباد پہنچ گئے ہیں۔
ایرانی صدر میناب 168 طیارے پر نور خان ائیر بیس اسلام آباد پہنچے، صدر پاکستان آصف علی زردای، وزیرِ اعظم محمد شہباز شریف اور نائب وزیرِ اعظم اسحاق ڈار نے ایرانی صدر کا استقبال کیا۔ نورخان ائیر بیس پر انہیں پاک فضائیہ کے ایف سولہ اور جے ایف 17 طیاروں نے فلائنگ سلیوٹ پیش کیا جبکہ وزیراعظم شہبازشریف نے انکے لئے خود چھتری تھامے رکھی۔ایرانی صدرمسعود پزشکیان نے پاکستانی قیادت کے ساتھ والہانہ اندازمیں مصافحہ کیا۔روایتی لباس میں ملبوس بچوں نے صدرمسعود پزشکیان کو پھول پیش کئے۔ ایرانی صدرکوپاکستان آمد پر 21توپوں کی سلامی دی گئی
🇵🇰🇮🇷 President of Iran Pezeshkian and FM Abbas Araghchi receive a flying salute flypast by Pakistan Air Force F-16 fighter jets upon landing for their official visit.
Writer: Samuelpic.twitter.com/MJqBc8Xg9c
— Mario Nawfal (@MarioNawfal) June 23, 2026
ایران امریکا جنگ کے بعد ایرانی صدر مسعود پزشکیان کا یہ پہلا غیر ملکی دورہ ہے، جبکہ مسعود پزشکیان کا یہ پاکستان کا دوسرا دورہ ہے۔ایران کے وزیرخارجہ عباس عراقچی بھی اسلام آباد پہنچے ہیں۔ نائب وزیر اعظم محمد اسحاق ڈار نے معزز مہمان کا استقبال کیا چیئرمین پیپلز پارٹی بلاول بھٹو زرداری اور وزیرداخلہ محسن نقوی بھی ایئرپورٹ پر موجود تھے۔ بچوں نے ایرانی وزیر خارجہ عباس عراقچی کو پھول پیش کیے۔
ایرانی سرکاری خبر رساں ایجنسی آئی آر این اے کے مطابق یہ دورہ سوئٹزرلینڈ میں ایران اور امریکا کے درمیان ہونے والے مذاکرات کے بعد ہو رہا ہے، جن میں پاکستان نے ثالثی کا کردار ادا کیا تھا۔
ایرانی صدر کے دفتر کے شعبہ تعلقات عامہ کے سربراہ حبیب اللہ عباسی کے مطابق صدر پزشکیان اپنے دورہ پاکستان کے دوران وزیراعظم شہباز شریف کا ایران اور امریکا کے درمیان مذاکرات میں ثالثی کے کردار پر شکریہ ادا کریں گے۔