مردان: خیبر پختونخوا کے ضلع مردان میں آج صبح پاک فضائیہ کا ‘PAC MFI-395 سپر مشاق’ تربیتی طیارہ فنی خرابی کے باعث گر کر تباہ ہو گیا۔ اس المناک حادثے میں پاکستان ایئر فورس اکیڈمی اصغر خان کے دو تربیتی کیڈٹس شہید ہو گئے۔
A Pakistan Air Force PAC MFI-395 Super Mushshak aircraft has unfortunately crashed today morning in Mardan, Khyber Pakhtunkhwa, after developing technical faults while on a training flight.
Both pilots, trainee cadets of the Pakistan Air Force Academy Asghar Khan, were martyred. pic.twitter.com/pD8g3gBqfY
— The STRATCOM Bureau (@OSPSF) June 15, 2026
بہادری کی ایک عظیم داستان
حادثے کے وقت طیارہ تربیتی پرواز پر تھا کہ اچانک اس میں فنی خرابی پیدا ہو گئی۔ اطلاعات کے مطابق، طیارے کے پائلٹس نے انتہائی مشکل صورتحال میں اپنی جانوں کی پرواہ کیے بغیر طیارے کا رخ آبادی والے علاقے سے موڑ دیا۔ ان کی اس بروقت اور ماہرانہ حکمتِ عملی کے نتیجے میں طیارہ آبادی کے بجائے ایک تنگ سڑک پر جا گرا، جس سے زمین پر موجود سینکڑوں شہریوں کی جانیں محفوظ رہیں۔
شہید ہونے والے دونوں پائلٹس نے اپنی جان کا نذرانہ پیش کر کے فرض شناسی اور بہادری کی ایک عظیم مثال قائم کی ہے۔ واقعے کے بعد امدادی ٹیمیں جائے وقوعہ پر پہنچ گئیں اور علاقے کو گھیرے میں لے لیا گیا۔ پاک فضائیہ کی جانب سے حادثے کی تحقیقات کے لیے بورڈ آف انکوائری تشکیل دیے جانے کا امکان ہے۔