جھڈو( رپورٹ/ قیصر راجہ راجپوت )
سنی رابطہ کونسل کے زیر اہتمام سیرت النبی ﷺ کانفرنس، ممتاز اسکالر مولانا معاویہ اعظم کا خصوصی خطاب جھڈو میں سنی رابطہ کونسل کے زیر اہتمام عظیم الشان سیرت النبی ﷺ کانفرنس کا انعقاد کیا گیا، جس میں شہر اور گردونواح سے علماء کرام، مشائخ عظام، سماجی و مذہبی شخصیات اور عوام الناس کی بڑی تعداد نے شرکت کیکانفرنس سے خطاب کرتے ہوئے ممتاز مذہبی اسکالر مولانا معاویہ اعظم نے کہا کہ نبی کریم ﷺ کی سیرتِ طیبہ پوری انسانیت کے لیے مشعلِ راہ ہے۔ آپ ﷺ کی تعلیمات پر عمل کرکے معاشرے میں امن، محبت، بھائی چارے اور رواداری کو فروغ دیا جا سکتا ہے۔ انہوں نے کہا کہ موجودہ دور میں نوجوان نسل کو سیرت النبی ﷺ سے روشناس کرانے کی اشد ضرورت ہے تاکہ وہ اسلامی اقدار اور اخلاقِ حسنہ کو اپنی زندگی کا حصہ بنا سکیں۔مولانا معاویہ اعظم نے اپنے خطاب میں حضور اکرم ﷺ کی حیاتِ مبارکہ کے مختلف پہلوؤں پر روشنی ڈالتے ہوئے کہا کہ آپ ﷺ نے انسانیت کو عدل، مساوات، اخوت اور خدمت خلق کا درس دیا۔۔