خان پور (رانا عبدالغفارراجپوت تحصیل رپورٹر سے)
سرِعام خاتون کو اغوا کرنے کی کوشش اور میاں بیوی پر تشدد، پولیس کی بروقت آمد پر ملزمان فرار
جناح ٹاؤن کے قریب خاتون کو مبینہ طور پر اغوا کرنے کی کوشش اور مزاحمت پر میاں بیوی کو شدید تشدد کا نشانہ بنانے کا سنسنی خیز واقعہ سامنے آیا ہے متاثرہ شہری نے ڈی پی او رحیم یار خان اور اعلیٰ حکام سے فوری انصاف اور ملزمان کی گرفتاری کا مطالبہ کر دیا
متاثرہ شہری رجب بھٹی نے میڈیا سے گفتگو کرتے ہوئے بتایا کہ وہ اپنی اہلیہ کے ہمراہ موٹر سائیکل پر جا رہے تھے کہ جب وہ جناح ٹاؤن خانپور کے قریب پہنچے تو پہلے سے ملزمان بلال اور مجاہد نے اپنے 4 دیگر نامعلوم ساتھیوں کے ساتھ مل کر ان کا راستہ روک لیا
رجب بھٹی کے مطابق ملزمان نے آتے ہی ان پر اور ان کی اہلیہ پر وحشیانہ تشدد شروع کر دیا اور اس دوران رجب بھٹی کی اہلیہ کو زبردستی اغوا کرنے کی کوشش بھی کی گئی شور شرابا اور میاں بیوی کی چیخ و پکار سن کر سڑک پر موجود مقامی لوگ بڑی تعداد میں جمع ہونا شروع ہو گئے
موقع کی نزاکت کو دیکھتے ہوئے متاثرہ شہری نے فوری طور پر پولیس ہیلپ لائن 15 پر کال کی، جس پر پولیس نے فوری ریسپانس دیتے ہوئے موقع پر پہنچ گئی پولیس کی گاڑی کو دور سے آتے دیکھ کر نامزد ملزمان بلال اور مجاہد اپنے چاروں نامعلوم ساتھیوں سمیت موقع سے فرار ہونے میں کامیاب ہو گئے