خواتین کی شکایات پر فوری ایکشن، ڈی آئی جی آپریشنز کے بڑے فیصلے، پولیس افسران کیلئے سخت احکامات جاری

تحریر:اسد مرزا
جہاں لفظ بے نقاب ہوں۔۔۔ وہیں سے سچ کا آغاز ہوتاہے

ڈی آئی جی آپریشنز فیصل کامران نے اہم فیصلے اور سخت احکامات جاری کر دیئے جبکہ خواتین سے متعلق شکایات کے ازالے کیلئے نیا حکم نامہ نافذ کر دیا گیا۔ اب کسی بھی خاتون کی درخواست سب انسپکٹر سے کم رینک کے افسر کو مارک نہیں کی جائے گی تاکہ خواتین کو سنجیدگی اور عزت کے ساتھ فوری انصاف فراہم کیا جا سکے۔
ڈی آئی جی آپریشنز نے واضح ہدایات جاری کرتے ہوئے کہا کہ خواتین کی شکایات سنتے وقت لیڈی پولیس افسران کی موجودگی لازمی ہوگی، جبکہ دورانِ تفتیش یا شکایت غیر ضروری اور غیر متعلق سوالات سے مکمل گریز کیا جائے۔
ذرائع کے مطابق پولیس نظام میں خواتین سے متعلق رویوں پر بڑھتی تنقید کے بعد یہ اقدامات اہم پیش رفت قرار دیے جا رہے ہیں۔ اعلیٰ حکام نے متعلقہ افسران کو شہریوں خصوصاً خواتین کے ساتھ مہذب، حساس اور پیشہ ورانہ رویہ اپنانے کی ہدایت بھی کر دی۔