پیرس ،نیویارک :حکام کا کہنا ہے کہ ایک امریکی اور ایک فرانسیسی شہری جو ہنتا وائرس کی مہلک وبا کی زد میں آنے والے کروز جہاز کو چھوڑ کر اپنے آبائی ممالک کو واپس آئے ہیں، ان کا ٹیسٹ مثبت آیا ہے۔
امریکی محکمہ صحت نے کہا کہ وطن واپسی کی پرواز پر ایک دوسرے امریکی شہری نے بھی ہلکی علامات ظاہر کیں، اُنھوں نے مزید کہا کہ دونوں مسافروں نے ’بائیو کنٹینمنٹ یونٹس میں بہت زیادہ احتیاط کے ساتھ‘ سفر کیا تھا۔
فرانسیسی وزیر صحت نے بھی ایک خاتون میں وائرس کی تصدیق کی ہے۔
یم وی ہونڈیئس نامی کروز شپ اس وقت سپین کے خوبصورت کینری جزائر میں لنگر انداز ہے اور اس میں 90 سے زائد مسافروں کو اُن کے آبائی ملک بھیجا جا رہا ہے۔ حکام کا کہنا ہے کہ اب بھی 54 کے قریب مسافر اور عملے کے ارکان کروز شپ میں موجود ہیں۔
اس نایاب وائرس کے پھیلاؤ کو روکنے کے لیے کیے گئے اس پیچیدہ آپریشن کو سپین کی وزیر صحت مونیکا گارسیا نے ‘بے مثال’ قرار دیا ہے۔
23 مُمالک کی جانب سے کی گئی س کارروائی کی انتہائی باریک بینی سے منصوبہ بندی کی گئی ہے تاکہ زیادہ سے زیادہ حفاظتی اقدامات کو یقینی بناتے ہوئے مقامی آبادی کو اس وائرس سے بچایا جا سکے۔