سیالکوٹ (سلیم احمد اعوان شیخو)خواجہ آصف نے سیالکوٹ میں نئے ٹیچنگ ہسپتال کا سنگ بنیاد رکھ دیا*300 بیڈز پر مشتمل نیا ہسپتال 9 ارب روپے کی لاگت سے مکمل ہو گا ، ہسپتال کی منظوری 2016 میں ہوئی، بعد کی حکومتوں کی غفلت سے تاخیر اور قومی خزانے کو چار ارب روپے کا نقصان ہوا ، کوئی دوسرا صوبہ پنجاب کی ترقی کی رفتار کا مقابلہ نہیں کر سکتا۔نالوں کنارے ناجائز بنی فیکٹریاں اور گھر لوگ خود گرا دیں نہیں تو ہم گرائیں گے ، وزیر دفاع خواجہ محمد آصف کا تقریب سے خطاب ، سیالکوٹ میں ایک ماہ کے اندر بائی پاس آپریشن کی سہولت میسر ہو گی۔ٹیچنگ ہسپتال فاسٹ ٹریک پر دو سال میں مکمل کریں گے، خواجہ سلمان رفیق وزیر دفاع خواجہ محمد آصف نے گورنمنٹ علامہ اقبال میموریل ٹیچنگ ہسپتال سیالکوٹ میں 9 ارب روپے کی لاگت سے بننے والے 300 بیڈز پر مشتمل نئے ٹیچنگ ہسپتال کا سنگ بنیاد رکھا۔ اس موقع پر صوبائی وزیر محنت و افرادی قوت خواجہ محمد منشا اللہ، صوبائی وزیر صحت خواجہ سلمان رفیق، رکن صوبائی اسمبلی چوہدری فیصل اکرام اور ڈپٹی کمشنر سیالکوٹ صبا اصغر علی بھی موجود تھیں۔سنگ بنیاد کی تقریب سے خطاب کرتے ہوئے، خواجہ محمد آصف نے کہا کہ پنجاب میں ترقیاتی منصوبوں کی رفتار کا مقابلہ ملک کا کوئی دوسرا صوبہ نہیں کر سکتا اور نئے ٹیچنگ ہسپتال کی منظوری اور فنڈز کی فراہمی پر وزیراعلی پنجاب مریم نواز شریف کے مشکور ہیں۔انہوں نے کہا کہ شہباز شریف نے 2016 میں اس منصوبے کی منظوری دی تھی مگر بعد میں آنے والی حکومتوں نے اسے دس سال تک تاخیر کا شکار رکھا، جس کے باعث منصوبے کی لاگت تین سے چار ارب روپے سے بڑھ کر تقریبا نو ارب روپے تک پہنچ گئی اور قومی خزانے کو اربوں روپے کا نقصان برداشت کرنا پڑا۔ انہوں نے اس صورتحال کو مجرمانہ غفلت قرار دیا۔وزیر دفاع نے کہا کہ سیالکوٹ میں متعدد ترقیاتی منصوبوں پر کام جاری ہے۔
