ممبئی: کرکٹ کے میدان میں ایک بار پھر روایتی حریفوں کے درمیان اعصاب شکن مقابلے کی گھڑی قریب آ گئی ہے۔
بی سی سی آئی نے انگلینڈ اور ویلز میں شیڈول ’خواتین ٹی-20 عالمی کپ 2026‘ کے لیے 15 رکنی مضبوط بھارتی اسکواڈ کا اعلان کر دیا ہے، جس کا سب سے سنسنی خیز پہلو یہ ہے کہ بھارتی ٹیم اپنی مہم کا آغاز 14 جون کو پاکستان کے خلاف بڑے میچ سے کرے گی۔
بھارتی ٹیم کی کمان ایک بار پھر تجربہ کار ہرمن پریت کور کے ہاتھوں میں ہوگی، جبکہ اسٹار بلے باز اسمرتی مندھانا نائب کپتان کے طور پر ان کا ساتھ دیں گی۔ ٹیم میں یک روزہ عالمی کپ 2025 کی فاتح ٹیم کی 11 کھلاڑیوں کو برقرار رکھا گیا ہے۔
اسکواڈ کی تشکیل میں بھارتی ٹیم کو دو بڑے دھچکے بھی لگے ہیں۔آل راؤنڈر امنجوت کور اور فاسٹ باؤلرکاشوی گوتم انتخاب کے لیے دستیاب نہیں تھیں۔کپتان ہرمن پریت کور نے امنجوت کی کمی کو ٹیم کے لیے ایک بڑا نقصان قرار دیا ہے۔
BCCI Honorary Secretary Mr Devajit Saikia announces #TeamIndia’s squad for the ICC Women’s T20 World Cup 2026, the three-match T20I series against England, and the upcoming Test against England 🇮🇳
Details ▶️ https://t.co/cZnGDxMPtb #WomenInBlue | #T20WorldCup pic.twitter.com/4bTVZlo7js
— BCCI Women (@BCCIWomen) May 2, 2026
تاہم، فاسٹ بولنگ کے شعبے میں رینوکا ٹھاکر، کرانتی گوڑ اور اروندھتی ریڈی کے ساتھ نندنی شرما کو شامل کیا گیا ہے، جن کا یہ پہلا عالمی کپ ہوگا۔
انگلینڈ اور ویلز کی میزبانی میں شروع ہونے والے اس ٹورنامنٹ میں 12 ٹیمیں مدمقابل ہوں گی:
گروپ اے: بھارت، پاکستان، آسٹریلیا، جنوبی افریقہ، بنگلہ دیش اور نیدرلینڈز۔
گروپ بی: انگلینڈ، آئرلینڈ، نیوزی لینڈ، اسکاٹ لینڈ، سری لنکا اور ویسٹ انڈیز۔
بھارتی اسکواڈ
ہرمن پریت کور (کپتان)، اسمرتی مندھانا (نائب کپتان)، شیفالی ورما، جیمیما روڈرگز، بھارتی پھلمالی، دیپتی شرما، رچا گھوش (وکٹ کیپر)، شری چرنی، یاستیکا بھاٹیا (وکٹ کیپر)، نندنی شرما، اروندھتی ریڈی، رینوکا ٹھاکر، کرانتی گوڑ، شرینکا پاٹل، اور رادھا یادو۔
عالمی کپ کا آغاز 12 جون سے ہوگا جبکہ فائنل معرکہ 5 جولائی کو کھیلا جائے گا۔ اب دیکھنا یہ ہے کہ کیا حالیہ یک روزہ عالمی کپ کی فاتح بھارتی ٹیم ٹی-20 فارمیٹ میں بھی اپنی برتری برقرار رکھ پائے گی یا روایتی حریف پاکستان پہلے ہی میچ میں کوئی اپ سیٹ کر دے گا؟