کاہنہ: باپ اور دو بیٹوں کا قتل،گھر سے مسخ شدہ لاشیں برآمد، ملزم کون تھے؟تفتیشی ٹیمیں پریشان

لاہور:لاہور کے علاقے سنٹرل پارک کاہنہ میں ایک گھر سے باپ اور دو بیٹوں کی گلی سڑی لاشیں برآمد ہونے سے علاقے میں خوف و ہراس پھیل گیا۔ پولیس کے مطابق جاں بحق ہونے والوں کی شناخت نعمان کامران، عمران اور ان کے والد کے طور پر ہوئی ہے۔
پولیس کا کہنا ہے کہ تینوں افراد کو قتل کیا گیا اور لاشیں تقریباً 20 روز پرانی ہیں۔ واقعے کا انکشاف اس وقت ہوا جب گھر سے شدید بدبو آنے لگی، جس پر اہلِ علاقہ نے پولیس کو اطلاع دی۔
اطلاع ملتے ہی پولیس اور فرانزک ٹیمیں موقع پر پہنچ گئیں، شواہد اکٹھے کر لیے گئے جبکہ لاشوں کو پوسٹ مارٹم کے لیے منتقل کر دیا گیا ہے۔ پولیس کے مطابق واقعے کی ہر پہلو سے تفتیش جاری ہے، تاہم یہ المناک قتل معمہ بن چکا ہے پولیس کے مطابق واقعے کے تمام پہلوؤں پر تفتیش جاری ہے، جبکہ مقتولین کے ورثا کے سامنے آنے کے بعد ہی اصل حقائق واضح ہو سکیں گے۔