اسلام آباد: کراچی چڑیا گھر کی ریچھ “رانو” کو اسلام آباد منتقل کر دیا گیا۔ فیصل بیس سے سی ون تھرٹی طیارے کے ذریعے رانو کو اسلام آباد پہنچایا گیا، جہاں اسلام آباد وائلڈ لائف ریسکیو اینڈ ری ہیبیلیٹیشن سینٹر کے حکام نے اسے خوش آمدید کہا۔
ترجمان کے مطابق، سندھ ہائی کورٹ کے احکامات پر رانو ریچھ کی منتقلی کا عمل مکمل کیا گیا۔ منتقلی سے قبل ماہرین نے رانو کی جسمانی اور ذہنی صحت کا تفصیلی معائنہ کیا۔
ترجمان اسلام آباد وائلڈ لائف ریسکیو اینڈ ری ہیبلیٹیشن سینٹر کے مطابق اسلام باد وائلڈ لائف حکام نے رانو کو ری ہیبلیٹیشن سینٹر آمد پر خوش آمدید کہا، سندھ ہائی کورٹ کے احکامات پر رانو ریچھ کی منتقلی کا عمل مکمل ہوا، رانو کی تربیت، جسمانی اور ذہنی فٹنس کا تفصیلی جائزہ لیا جائے گا-۔ بعد ازاں اسے گلگت بلتستان کے قدرتی ماحول میں منتقل کیا جائے گا۔
رانو کی دیکھ بھال کے لیے ڈپٹی کنزرویٹر رینک کا افسر تعینات کیا گیا ہے۔ حکام کے مطابق ریچھ کی بحالی اور بہتر نگہداشت کے لیے تمام ضروری سہولیات فراہم کی جا رہی ہیں۔