اپر دیر ( رپورٹ: یحیی فقیر) وفاقی وزیر بین الصوبائی رابطہ محسن نقوی نے ایشیا کپ 2025 کے شیڈول کی تصدیق کرتے ہوئے کہا ہے کہ یہ باوقار ٹورنامنٹ متحدہ عرب امارات میں منعقد ہوگا۔
سماجی رابطے کی ویب سائٹ ایکس (سابقہ ٹوئٹر) پر اپنے پیغام میں محسن نقوی نے کہا کہ "مجھے خوشی ہے کہ میں ایشیا کپ 2025 کے شیڈول کی تصدیق کر رہا ہوں، جو 9 ستمبر سے 28 ستمبر تک یو اے ای میں کھیلا جائے گا۔ ہم شاندار کرکٹ مقابلوں کے منتظر ہیں، جبکہ ٹورنامنٹ کا تفصیلی شیڈول جلد جاری کیا جائے گا۔”
یاد رہے کہ ایشیا کپ 2025 بھارت کی میزبانی میں ہونا طے تھا، تاہم سیاسی و سیکیورٹی وجوہات کی بنا پر ایونٹ کو متحدہ عرب امارات منتقل کر دیا گیا ہے۔ ٹورنامنٹ میں آٹھ ٹیمیں شریک ہوں گی جن میں پاکستان، بھارت، سری لنکا، بنگلہ دیش، افغانستان، متحدہ عرب امارات، ہانگ کانگ اور عمان شامل ہیں۔
