ملتان (رپورٹ ملک جابر عباس)
حادثے میں جاں بحق ہونے والے پانچ افراد کی تفصیلات سامنے آگئی ہیں، جن میں تین افراد کی شناخت ہوگئی ہے جبکہ دو افراد تاحال نامعلوم ہیں۔تفصیلات کے مطابق جاں بحق ہونے والوں میں ایک نامعلوم مرد شامل ہے جس کی عمر تقریباً 24 سال بتائی گئی ہے۔ دیگر شناخت شدہ افراد میں محمد مزمل ولد عبد الخالق، عمر 23 سال، محمد یاسر ولد محمد امیر، عمر 22 سال، اور رمضان ولد غلام قاسم، عمر 28 سال شامل ہیں۔ تینوں افراد کا تعلق شجاع آباد سے بتایا گیا ہے۔حادثے میں جاں بحق ہونے والے پانچویں شخص کی شناخت بھی تاحال نہیں ہوسکی، جس کی عمر تقریباً 25 سال بتائی گئی ہے۔فراہم کردہ تفصیلات کے مطابق جاں بحق ہونے والے پانچوں افراد کے سر پر چوٹیں آئی تھیں۔ نامعلوم افراد کی شناخت کے لیے مزید معلومات درکار ہیں۔