جنڈ ( غضنفر عباس ملک )
فوڈ ڈپارٹمنٹ نے آٹے کی اسمگلنگ کے خلاف کامیاب کارروائی کرتے ہوئے ایک ٹرک پکڑ لیا اور اسے ضابطے کے تحت فوری طور پر عوام الناس میں سرکاری نرخ پر فروخت کر دیا۔تفصیلات کے مطابق، ڈسٹرکٹ فوڈ کنٹرولر شمس عباس کی ہدایات اور اسسٹنٹ کمشنر جنڈ احمد علی رضا کے انتظامات و زیرِ نگرانی فوڈ انسپکٹر زین العابدین نے پولیس فورس کی موجودگی میں یہ کارروائی کی۔ اس دوران 20 کلوگرام کا آٹے کا تھیلا مقررہ سرکاری ریٹ 2200 روپے کے حساب سے قطاروں میں موجود مرد و خواتین میں شفاف طریقے سے تقسیم کیا گیا۔عوامِ علاقہ نے سستا آٹا کی فراہمی اور بروقت کارروائی پر فوڈ ڈپارٹمنٹ کی کارکردگی کو زبردست خراجِ تحسین پیش کیا ہے۔ اس موقع پر فوڈ ڈپارٹمنٹ کے افسران کا کہنا تھا کہ وزیرِ اعلیٰ پنجاب مریم نواز کے ویژن کے مطابق آٹے اور گندم کی غیر قانونی اسمگلنگ کی روک تھام کے لیے ایسے اقدامات پوری سختی سے جاری رہیں گے۔