لاہور/نیویارک:ویب ڈیسک
گوگل نے مصنوعی ذہانت (AI) کی ٹیکنالوجی کو مزید وسعت دیتے ہوئے دنیا کی سب سے بڑی ویڈیو شیئرنگ ویب سائٹ یوٹیوب کے سرچ اور ڈیسک ٹاپ نتائج میں ایک نیا اور انقلابی فیچر ’آسک یوٹیوب‘ (Ask YouTube) متعارف کرا دیا ہے۔ٹیکنالوجی ماہرین کے مطابق یہ نیا فیچر یوٹیوب سرچ کے روایتی انداز کو نمایاں طور پر تبدیل کر رہا ہے۔ اس کے تحت صارفین کو اب کسی بھی موضوع یا معلومات کے لیے طویل ویڈیوز کو شروع سے دیکھنے کے بجائے اے آئی (AI) کی مدد سے فوری، درست اور متعلقہ معلومات تک رسائی حاصل ہو رہی ہے۔یوٹیوب کی جانب سے اس فیچر کو ویب، موبائل اور سمارٹ سسٹمز تک پھیلایا جا رہا ہے، جس کی مدد سے ناظرین چیٹ کی صورت میں سوالات پوچھ سکتے ہیں اور متعلقہ ویڈیوز کے اندر موجود مخصوص حصوں، خلاصوں اور اہم نکات کو براہ راست دیکھ سکتے ہیں۔ اس نئے تجربے کا مقصد تخلیق کاروں اور ناظرین دونوں کے لیے تلاش کے عمل کو زیادہ کارآمد اور سمارٹ بنانا ہے۔