ملتان (رپورٹ:ملک جابر عباس)
ملتان: سی ای او ہیلتھ ملتان ڈاکٹر ثوبان ضیاء واش روم میں اچانک بے ہوش ہوگئے، جس کے بعد انہیں مزید طبی معائنے اور علاج کے لیے نشتر ہسپتال ریفر کردیا گیا۔ابتدائی اطلاعات کے مطابق ڈاکٹر ثوبان ضیاء وقت اور جگہ کو پہچاننے کی صلاحیت سے محروم ہوگئے، جبکہ ان کا گلاسگو کوما اسکیل (GCS) 10 سے 15 کے درمیان ریکارڈ ہونے کی اطلاع ہے۔ڈاکٹر ثوبان ضیاء کو دماغ کے سی ٹی اسکین کے لیے نشتر ہسپتال منتقل کیا گیا ہے۔ ان کی طبیعت اچانک خراب ہونے کی اصل وجہ تاحال سامنے نہیں آسکی، جبکہ سی ٹی اسکین اور مزید طبی معائنے کے بعد صورتحال واضح ہونے کی توقع ہے۔