سیالکوٹ (بیورو رپورٹ۔سلیم احمد اعوان شیخو)
ڈپٹی کمشنر سیالکوٹ محمد اویس مشتاق سیالکوٹ سے ٹرانسفر ہونے والے اسسٹنٹ کمشنر سیالکوٹ صفدر شبیر اور اسسٹنٹ کمشنر ڈسکہ سعدیہ جعفر ملاقات کی۔ اس موقع پر ڈپٹی کمشنر محمد اویس مشتاق نے دونوں آفیسران کی ضلع سیالکوٹ میں تعیناتی کے دوران انجام دی جانے والی خدمات کو سراہا اور ان کی پیشہ ورانہ صلاحیتوں، محنت اور ذمہ دارانہ طرز عمل کو قابل تحسین قرار دیا۔ انہوں نے دونوں آفیسران کے لئے نیک خواہشات کا اظہار کرتے ہوئے کہا کہ ضلعی انتظامیہ میں ان کی خدمات قابلِ قدر ہیں۔ انہوں نے اس امید کا اظہار کیا کہ دونوں آفیسران آئندہ بھی اپنی نئی ذمہ داریوں میں اسی جذبۂ خدمت، محنت اور لگن کے ساتھ فرائض منصبی سرانجام دیتے رہیں گے اور عوامی خدمت کے مشن کو آگے بڑھائیں گے۔ اس موقع پر ایڈیشنل ڈپٹی کمشنر ریونیو عباس ذوالقرنین، ایڈیشنل ڈپٹی کمشنر ہیڈ کوارٹر و انفورسمنٹ صولت حیات وٹو، ایڈیشنل ڈپٹی میونسپل سروسز سرمد حسین اور دیگر افسران بھی موجود تھے۔


