دیر بالا(سدیس شیخ ڈسٹرکٹ رپورٹر)
دیر بالا: ریجنل پولیس آفیسر ملاکنڈ زاہد نواز مروت کے احکامات پر ڈسٹرکٹ پولیس آفیسر دیر بالا اسلم نواز نے پولیس اسٹیشن گندیگار کا اچانک دورہ کیا اور صفائی ستھرائی، سرکاری ریکارڈ، ایف آئی آر، روزنامچہ، مالخانہ اور سیکیورٹی انتظامات کا تفصیلی جائزہ لیا۔ڈی پی او نے افسران و اہلکاروں کو صفائی، ریکارڈ کی درستگی، مالخانہ کی حفاظت اور تھانے کی سیکیورٹی مزید مؤثر بنانے کی ہدایات جاری کرتے ہوئے کہا کہ عوام کو بروقت اور شفاف انصاف کی فراہمی اولین ترجیح ہے، فرائض میں غفلت ہرگز برداشت نہیں کی جائے گی۔اس موقع پر ڈی پی او دیر بالا کی جانب سے پولیس جوانوں کے لیے خصوصی بڑے کھانے کا بھی اہتمام کیا گیا۔


