پسرور (محمد اشفاق پسرور بے نقاب نیوز)
پسرور کے علاقے وارسلکی اسٹاپ کے قریب ایک افسوسناک ٹریفک حادثے میں موٹر سائیکل کھڑی ٹرالی سے ٹکرا گئی، جس کے نتیجے میں 42 سالہ شخص شدید زخمی ہوگیا۔
ریسکیو 1122 کے ذرائع کے مطابق یہ حادثہ 16 نومبر 2026 کو پیش آیا۔ اطلاع ملتے ہی ریسکیو ایمبولینس (STA-07) نے محض 6 منٹ کے رسپانس ٹائم میں جائے وقوعہ پر پہنچ کر فوری امدادی کارروائیاں شروع کر دیں۔
حادثے میں زخمی ہونے والے شخص کی شناخت شہباز ولد ارشد احمد (عمر 42 سال)، سکنہ موضع لیسر کلاں، تحصیل ظفروال، ضلع نارووال کے نام سے ہوئی ہے۔
ریسکیو اہلکاروں کے مطابق حادثے کے وقت زخمی شخص ہوش میں تھا تاہم اسے پیٹ میں شدید چوٹ کا شبہ ظاہر کیا گیا ہے۔ موقع پر ابتدائی طبی امداد فراہم کرنے کے بعد زخمی کو مزید علاج و معالجے کے لیے THQ ہسپتال چاونڈہ منتقل کر دیا گیا۔ ابتدائی اطلاعات کے مطابق حادثے کی ممکنہ وجہ تیز رفتار بتائی جا رہی ہے۔

