خوشاب (راجہ نورالہی عاطف سے )
ڈپٹی کمشنر خوشاب ڈاکٹر جہانزیب حسین لابر نے جوہرآباد میں ڈی سی کمپلیکس، ایس ٹائپ ایریا، ملحقہ پارک اور کچہری روڈ کا دورہ کیا اور ان مقامات پر جاری ترقیاتی، تزئین و آرائش اور خوبصورتی کے کاموں کا تفصیلی جائزہ لیا۔ اس موقع پر انہوں نے گرین بیلٹس اور مختلف مقامات پر خوبصورتی کے لیے لگائے جانے والے پودوں، ٹف ٹائلز کی تنصیب، صفائی ستھرائی اور دیگر جاری کاموں کا معائنہ کیا۔ اس موقع پر ایڈیشنل ڈپٹی کمشنر میونسپل سروسز ذریاب ساجد نے ڈپٹی کمشنر کو جاری منصوبوں بارے تفصیلی بریفنگ دی۔ ڈپٹی کمشنر ڈاکٹر جہانزیب حسین لابر نے متعلقہ افسران کو ضروری ہدایات بھی جاری کیں ۔ بعد ازاں ڈپٹی کمشنر خوشاب نے ڈی پی او آفس میں واقع پولیس شہداء گراؤنڈ کا بھی دورہ کیا اور وہاں صفائی ستھرائی سمیت دیگر انتظامات کا جائزہ لیا۔