ویب ڈیسک
بھارتی ایئرلائن اسپائس جیٹ کے مالی بحران میں ایک اور سنگین باب کا اضافہ ہوگیا ہے، جہاں واجب الادا بقایا جات اور مالی دباؤ کے باعث دبئی ایئرپورٹ انتظامیہ نے اس ایئرلائن کی ’چیک اِن سروس‘ کو فوری طور پر معطل کر دیا ہے۔
اس اچانک اور سخت اقدام کے نتیجے میں دبئی ایئرپورٹ پر موجود سینکڑوں مسافر شدید پریشانی اور طویل تاخیر کا شکار ہو گئے ہیں، جبکہ ایئرلائن کی بین الاقوامی ساکھ کو ایک اور کاری ضرب پہنچی ہے۔ سفری حلقوں کے مطابق، اس پیش رفت سے اسپائس جیٹ کے لیے مشرق وسطیٰ کے روٹس پر آپریشن جاری رکھنا انتہائی کٹھن ہو چکا ہے۔