وزیر اعلیٰ پنجاب مریم نواز کے وژن کے تحت قائم CCD نے صوبے میں جرائم کا خاتمہ اور مجرموں کی دوڑیں لگادیں؛ عوام کا خراج تحسین۔

لاہور: پنجاب پولیس کے کرائم کنٹرول ڈیپارٹمنٹ (CCD) نے صوبے بھر میں جرائم پیشہ عناصر کیخلاف گھیرا تنگ کرتے ہوئے امن و امان کے قیام میں شاندار کامیابی حاصل کی ہے۔ قیام کے بعد سے اب تک CCD کے 7 بہادر اہلکار فرض کی راہ میں جامِ شہادت نوش کر چکے ہیں جبکہ 100 کے قریب اہلکار زخمی ہوئے ہیں۔خطرناک مجرموں اور درندوں کے ساتھ ہونے والے مقابلوں میں پولیس اہلکاروں نے اپنی جانوں کی بازی لگا کر عوام کے جان و مال کا تحفظ یقینی بنایا ہے۔ جہاں ایک طرف چند لاعلم حلقے یا سیاسی مخالفین اس قابل فخر ادارے پر تنقید کرتے دکھائی دیتے ہیں، وہیں دوسری طرف متاثرہ خاندانوں اور عام شہریوں کا ماننا ہے کہ CCD جیسے ادارے کا ہر صوبے، ضلع اور محلے میں ہونا لازم و ملزوم ہے۔محکمہ پولیس اور حکومتی ذرائع کے مطابق، وزیر اعلیٰ پنجاب مریم نواز کی جانب سے CCD کے قیام کے بعد سے پنجاب میں سنگین جرائم اور مجرموں کی شرح میں نمایاں (تقریباً 70 فیصد سے زائد) کمی واقع ہوئی ہے۔ اب کوئی بھی چھوٹا یا بڑا جرم کرنے سے پہلے CCD کی کارروائیوں کے خوف سے ضرور سوچتا ہے۔عوام اور سول سوسائٹی نے دن رات اپنی جانوں کی پرواہ کیے بغیر فرائض انجام دینے والے پنجاب پولیس کے اس کرائم کنٹرول ڈیپارٹمنٹ، وزیر اعلیٰ پنجاب مریم نواز اور تمام افسران و جوانوں کو شاندار الفاظ میں خراج تحسین پیش کیا ہے اور انہیں "سرخ سلام” پیش کیا ہے۔