بہریا سٹی(بیورو رپورٹ: مجاہد علی مغل / بی نقاب نیوز)
سول اسپتال نوشہرو فیروز میں قائم ڈائیلاسز سینٹر کے انچارج ڈاکٹر عارف مشتاق کے ساتھ مبینہ بدتمیزی، گالم گلوچ اور ناروا سلوک کے خلاف ڈاکٹرز اور میڈیکل اسٹاف کی جانب سے سول اسپتال سے پریس کلب نوشہرو فیروز تک ایک احتجاجی ریلی نکالی گئی۔ریلی میں شریک ڈاکٹرز اور میڈیکل اسٹاف کا کہنا تھا کہ ڈائیلاسز سینٹر کے انچارج ڈاکٹر عارف مشتاق کے ساتھ میڈیکل سپرنٹنڈنٹ (ایم ایس) کی جانب سے مبینہ طور پر بدتمیزی اور گالم گلوچ کی گئی، جس کی وہ شدید مذمت کرتے ہیں۔مظاہرین نے اعلیٰ حکام سے پرزور مطالبہ کیا ہے کہ واقعے کی شفاف تحقیقات کی جائیں اور اسپتال میں ڈاکٹرز اور میڈیکل اسٹاف کے ساتھ پیشہ ورانہ احترام اور بہتر رویے کو یقینی بنایا جائے۔