بھریا سٹی (بے نقاب نیوز — رپورٹر: مجاہد علی مغل)
بے نظیر انکم سپورٹ پروگرام (BISP) کے تحت تعلقہ بھریا میں مستحق خاندانوں کی رجسٹریشن اور کوائف کی جانچ پڑتال کے لیے 4 ہفتوں پر مشتمل تفصیلی سروے شیڈول جاری کر دیا گیا ہے۔انتظامیہ کی جانب سے تمام متعلقہ شہریوں کو ہدایت کی گئی ہے کہ وہ جاری کردہ شیڈول اور تاریخوں کے مطابق اپنے قریبی رجسٹریشن سینٹرز سے رجوع کریں تاکہ بروقت ان کا اندراج مکمل کیا جا سکے۔سروے کے عمل کو کامیاب اور شفاف بنانے کے لیے شہریوں کو درج ذیل دستاویزات لازمی ہمراہ لانے کی ہدایت کی گئی ہے:18 سال سے زائد عمر کے بچوں اور افراد کے اصل شناختی کارڈ (CNIC)18 سال سے کم عمر بچوں کے بے فارم (B-Form)استعمال میں رہنے والا ذاتی اور درست موبائل نمبر (جس پر بی آئی ایس پی سے متعلقہ تصدیقی پیغامات موصول ہو سکیں)شہریوں سے گزارش کی گئی ہے کہ وہ کسی بھی دشواری سے بچنے کے لیے مقررہ تاریخوں اور ہدایات پر سختی سے عمل کریں۔